Bijli KaDki Baadal Garja Main KHamosh Raha
bijli kaDki baadal garja main KHamosh raha
is kohram mein bhi ai duniya main KHamosh raha
subh ki chap ne mujh ko sada di main ne baat na ki
sham ki chup ne mujh ko pukara main KHamosh raha
kitne git bikherte mausam mere samne aae
main tha jati rut ka saya main KHamosh raha
guzre mere pas se ho kar shor bhare mele
sail-e-hawadis tu ne dekha main KHamosh raha
kitne pani sar se guzre meri zaban na khuli
sahil sahil dariya dariya main KHamosh raha
'jafar' dekh ke gham barsati zindagiyon ke samay
bit gai is dil par kya kya main KHamosh raha
Jafar Shirazi 
(1570) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544