Arsa-e-zulmat-e-hayat KaTe
arsa-e-zulmat-e-hayat kaTe
ham-nafas muskura ki raat kaTe
samar-e-arzu ka zikr na chheD
chhune pae na the ki hat kaTe
kash har zulf tegh ban jae
kash zanjir-e-hadsat kaTe
ai baqa-e-dawam ke malik
kis tarah umr-e-be-sabaat kaTe
aadmi justuju-e-rah mein hai
tujh ko zid hai rah-e-najat kaTe
shab-e-KHalwat-suKHan suKHan ki dad
aur sar-e-bazm baat baat kaTe
Jafar Tahir 
(797) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544