Itna Bhi Shor Tu Na Gham-e-sina Chaak Kar
itna bhi shor tu na gham-e-sina chaak kar
ishq ek latif shola hai is ko na KHak kar
ai dil huzur-e-dost ba-sad ehtiram ja
daman ko chaak kar na gareban ko chaak kar
daur-e-gham-e-firaq ki tarikiyon ko dho
jalwon se un ke apna jahan tabnak kar
Dar hai kahin main shauq-e-farawan se mar na jaun
ai jazba-e-tarab na mujhe yun halak kar
aazad is se pahle ki un par nazar paDe
ashkon se dhoke apni nigahon ko pak kar
Jagan Nath Azad 
(781) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544