Be-hijab Aap Ke Aane Ki Zarurat Kya Thi

be-hijab aap ke aane ki zarurat kya thi

yun mere hosh uDane ki zarurat kya thi

hum se kahna tha Dubo dete safina apna

itne tufan uThane ki zarurat kya thi

jab se aaya hun yahan mohr-ba-lab baiTha hun

mujh ko mahfil mein bulane ki zarurat kya thi

apne kirdar-o-amal par jo bharosa hota

aap ke naz uThane ki zarurat kya thi

yun bhi ho sakte the aabaad tere virane

hum ko diwana banane ki zarurat kya thi

ashk-e-KHun baad mein 'sarshaar' bahane the agar

KHun-e-ushshaq bahane ki zarurat kya thi

(494) Peoples Rate This

Your Thoughts and Comments

Be-hijab Aap Ke Aane Ki Zarurat Kya Thi In English By Famous Poet Jaimini Sarshar. Be-hijab Aap Ke Aane Ki Zarurat Kya Thi is written by Jaimini Sarshar. Read famous Poem Be-hijab Aap Ke Aane Ki Zarurat Kya Thi for youth and Student by Jaimini Sarshar. Free Download Be-hijab Aap Ke Aane Ki Zarurat Kya Thi in PDF.