Har Kisi Se Na Ehtiraaz Karo
har kisi se na ehtiraaz karo
dost dushman mein imtiyaz karo
ghair apne kabhi nahin hote
kyun unhen aashna-e-raaz karo
jab kisi dil mein ghar banana ho
pahle nazron se saz-baz karo
tum kahan wo nigah-e-naz kahan
apni KHush-fahmiyon pe naz karo
sarfaraazi ise nahin kahte
sarfaraazon ko sarfaraaz karo
kya taqaze hain waqt ke 'sarshaar'
soz ko aashna-e-saz karo
Jaimini Sarshar 
(620) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544