Ajab Asbab Karta Ja Raha Hun
ajab asbab karta ja raha hun
lahu simab karta ja raha hun
main apni mauj mein ek raqs-e-digar
sar-e-girdab karta ja raha hun
azal se jagti aankhon jahan mein
basar ek KHwab karta ja raha hun
sar-e-mizhgan ubharta hai jo tara
use mahtab karta ja raha hun
jo dil ek umr se banjar paDe the
unhen sairab karta ja raha hun
main rah-e-shauq ki har kankari ko
dur-e-nayab karta ja raha hun
wo ejaz-e-suKHan baKHsha hai us ne
chaTanen aab karta ja raha hun
Jaleel 'Aali' 
(856) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544