Guzar Gaya Jo Mere Dil Pe Saneha Ban Kar
guzar gaya jo mere dil pe saneha ban kar
utar gaya wo meri ruh mein KHuda ban kar
tera KHayal shab-e-hijr phailta hi gaya
hazar rang ki sochon ka silsila ban kar
wafa ke sang se Takra ke ehtijaj-e-ana
salib-e-lab pe sisakne laga dua ban kar
badan ke dasht mein man ki hasin subhon ko
nikal raha hai gham-e-dahr azhdaha ban kar
kabhi to dip jalen gul khilen faza mahke
kabhi to aa shab-e-viran mein ratjaga ban kar
tamam umr jise DhunDte rahe 'aali'
kahin mila bhi agar wo to fasla ban kar
Jaleel 'Aali' 
(713) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544