Ghurur-e-koh Ke Hote Niyaz-e-kah Rakhte Hain
ghurur-e-koh ke hote niyaz-e-kah rakhte hain
tere ham-rah rahne ko qadam kotah rakhte hain
andheron mein bhi gum hoti nahin samt-e-safar apni
nigahon mein firozan ek shabih-e-mah rakhte hain
ye duniya kya hamein apni Dagar par le ke jaegi
hum apne sath bhi marzi ki rasm-o-rah rakhte hain
wo diwar-e-ana ki oT kis kis aag jalta hai
dil o dida ko sab ahwal se aagah rakhte hain
Dar-o-bast-e-jahan mein dekhte hain saqm kuchh 'ali'
aur apni soch ka ek naqsha-e-islah rakhte hain
Jaleel 'Aali' 
(769) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544