Ek Hamin Silsila-e-shauq Sambhaale Hue Hain
ek hamin silsila-e-shauq sambhaale hue hain
wo to sab ahd-e-wafa hashr pe Tale hue hain
walwale dil ke sambhalte hi nahin sine mein
jaane kis chand ke ye bahr uchhaale hue hain
qariya-e-KHwab ki jis nur nahaya hua hai
hum usi se ye shab o roz ujale hue hain
waqt duniya mein phiraata hai dinon ko kya kya
dekh jo koh the wo rui ke gale hue hain
tu mile ya na mile jo ho muqaddar apna
kya ye kam hai ki tere chahne wale hue hain
gundh kar Dhaal kisi surat-e-yaktai mein
jaan o tan qalb o nazar tere hawale hue hain
Jaleel 'Aali' 
(735) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544