Jab Bhi Mausam-e-hunar Harf O Bayan Le Jae
jab bhi mausam-e-hunar harf o bayan le jae
yun lage jism se jaise koi jaan le jae
hum ki hain naqsh sar-e-reg-e-rawank kya jaane
kab koi mauj-e-hawa apna nishan le jae
ek aazadi ki zindani-e-KHwahish kar de
ek asiri ki karan-ta-ba-karan le jae
wahshat-e-shauq muqaddar thi so bachte kab tak
ab to ye sail-e-bala-KHez jahan le jae
ek parchhain ke pichhe hain azal se 'ali'
ye taaqub hamein kya jaane kahan le jae
Jaleel 'Aali' 
(586) Peoples Rate This