Kuchh Aur Mere Dard Ke Shoalon Ko Hawa Do

kuchh aur mere dard ke shoalon ko hawa do

be-nur hue dagh andhera hai ziya do

pichhe gham-o-andoh ke firaun ka lashkar

aage alam-o-yas ka dariya hai asa do

main dasht-e-gham-e-ishq mein hansta hua aaun

raste se gham-e-dahr ki diwar haTa do

main aur sulagta hua sahra-e-tajassus

bhaTka hua rahi hun koi rah dikha do

kyun meri shikaston ko sahaara nahin milta

insan hun muhtaj KHuda ka hun KHuda do

is shahar mein jine ki hai ab ek hi surat

ehsas ke mansur ko suli pe chaDha do

is daur ka suqraat hun sach bol raha hun

kya der hai kyun chup ho mujhe zahr pila do

(1077) Peoples Rate This

Your Thoughts and Comments

Kuchh Aur Mere Dard Ke Shoalon Ko Hawa Do In English By Famous Poet Jaleel 'Aali'. Kuchh Aur Mere Dard Ke Shoalon Ko Hawa Do is written by Jaleel 'Aali'. Read famous Poem Kuchh Aur Mere Dard Ke Shoalon Ko Hawa Do for youth and Student by Jaleel 'Aali'. Free Download Kuchh Aur Mere Dard Ke Shoalon Ko Hawa Do in PDF.