Raat Jo Mauj-e-hawa Ne Gul Se Dil Ki Baat Kahi

raat jo mauj-e-hawa ne gul se dil ki baat kahi

ek ek barg-e-chaman ne kaisi kaisi baat kahi

aankhen rang ba-rang saje raston sarshaar huin

dil ki KHalish ne manzar manzar ek hi baat kahi

har izhar ki tah mein ek hi maani pinha the

apni taraf se sab ne apni apni baat kahi

aaj bhi harf o bayan ke sab paimane hairan hain

kaise ghazal ne do satron mein puri baat kahi

sidhe-sade se lafzon mein kahna mushkil tha

is liye to aisi aaDi tirchhi baat kahi

tum kyun apni marzi ke mafhum nikalo ho

utna hi matlab hai hamara jitni baat kahi

tum bhi to mazmun-tarashi mein masruf rahe

tum ne bhi to 'ali' kam kam asli baat kahi

(608) Peoples Rate This

Your Thoughts and Comments

Raat Jo Mauj-e-hawa Ne Gul Se Dil Ki Baat Kahi In English By Famous Poet Jaleel 'Aali'. Raat Jo Mauj-e-hawa Ne Gul Se Dil Ki Baat Kahi is written by Jaleel 'Aali'. Read famous Poem Raat Jo Mauj-e-hawa Ne Gul Se Dil Ki Baat Kahi for youth and Student by Jaleel 'Aali'. Free Download Raat Jo Mauj-e-hawa Ne Gul Se Dil Ki Baat Kahi in PDF.