Subut-e-ishtiyaq-e-ham-rahi Lao To Aao
subut-e-ishtiyaq-e-ham-rahi lao to aao
hisar-e-zat se bahar nikal pao to aao
zamanon se faqat lahren gumanon ki gino ho
kisi din tum ye dariya par kar jao to aao
had-e-KHwahish mein jina hai to jao rah apni
na dasht-e-shauq ki wusat se ghabrao to aao
ajab be-iKHtiyarana thi har aamad tumhaari
isi mauj-e-mohabbat mein kabhi aao to aao
ye durweshon ki duniya hai karishme is ke dekho
jahan se hi nahin KHud se bhi uktao to aao
rifaqat ahl-e-gham ki ek nashat-e-muKHtalif hai
jo rakhte ho jigar mein dard ka ghao to aao
hamein is hikmat-e-dauran ka ek nukta bahut hai
agar dhun hai ulaT den waqt ke dao to aao
Jaleel 'Aali' 
(731) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544