Sulag UThi Hai Koi Aag Si Hawaon Mein

sulag uThi hai koi aag si hawaon mein

badal gai hain bahaaren meri KHizaon mein

na aai ras banawaT ki zindagi mujh ko

main shahr chhoD ke phir aa gaya hun ganw mein

qadam qadam pe naya ek KHuda nazar aaya

na jaane kaun sa bar-haq hai in KHudaon mein

koi umid ki barish ka ehtimam karo

main jal raha hun gham-o-yas ki chitaon mein

bahut kaDa hai mohabbat ke raston ka safar

jafa ki dhup chhupi hai wafa ki chhanw mein

(852) Peoples Rate This

Your Thoughts and Comments

Sulag UThi Hai Koi Aag Si Hawaon Mein In English By Famous Poet Jaleel 'Aali'. Sulag UThi Hai Koi Aag Si Hawaon Mein is written by Jaleel 'Aali'. Read famous Poem Sulag UThi Hai Koi Aag Si Hawaon Mein for youth and Student by Jaleel 'Aali'. Free Download Sulag UThi Hai Koi Aag Si Hawaon Mein in PDF.