Ghair Ulfat Ka Raaz Kya Jaane
ghair ulfat ka raaz kya jaane
lutf-e-naz-o-niyaz kya jaane
nim-jaanon pe kya guzarti hai
nargis-e-nim-baz kya jaane
mere tul-e-shab-e-judai ko
teri zulf-e-daraaz kya jaane
pak-bazan-e-mai-kada ka maqam
jo na ho pak-baz kya jaane
dil hai us parde mein koi warna
shama soz o gudaz kya jaane
hum jo masti mein girte paDte hain
zahid aisi namaz kya jaane
rah-e-ulfat na jis ne tai ki ho
wo nasheb-o-faraaz kya jaane
jis ke dil mein na soz ho wo 'jalil'
kaif-e-awaz-e-saz kya jaane
Jaleel Manikpuri 
(798) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544