Naya Sauda Naya Dard-e-nihani Le Ke Aaya Hun
naya sauda naya dard-e-nihani le ke aaya hun
nai us bazm se main zindagani le ke aaya hun
kuchh apni na-tawani kuchh tera pas-e-nazakat tha
nigahon mein mohabbat ki kahani le ke aaya hun
tere jalwe ke nazzare ko KHali hath kya aata
luTane ko bahaar-e-naujawani le ke aaya hun
labon par mohr-e-KHamoshi hai aankhen DabDabai hain
asar-andaz apni be-zabani le ke aaya hun
KHuda-malum qasid kya sunae dil dhaDakta hai
ye kahta hai ki paigham-e-zabani le ke aaya hun
mizha par garm garm aansu labon par sard sard aahen
fasana dard ka gham ki kahani le ke aaya hun
sarishk-e-KHun dil-e-pur-dagh afsurda tamannaen
azal se ye mataa-e-zindagani le ke aaya hun
maqam-e-KHizr tha ya mai-kada tha kya kahun kya tha
jahan se main hayat-e-jawedani le ke aaya hun
'jalil' abr-e-siyah kya jhumta hai sabza-zaron par
ye kahta hai ki aab-e-zindagani le ke aaya hun
Jaleel Manikpuri 
(894) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544