Shabab Ho Ki Na Ho Husn-e-yar Baqi Hai
shabab ho ki na ho husn-e-yar baqi hai
yahan koi bhi ho mausam bahaar baqi hai
kuchh aisi aaj pilai hai chashm-e-saqi ne
na hosh hai na koi hoshiyar baqi hai
pukarta hai junun hosh mein jo aata hun
Thahar Thahar abhi fasl-e-bahaar baqi hai
kamal-e-ishq to dekho wo aa gae lekin
wahi hai shauq wahi intizar baqi hai
kisi sharab ki ho kya talab 'jalil' mujhe
mai-e-alast ka ab tak KHumar baqi hai
Jaleel Manikpuri 
(814) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544