Yun Na Tapka Tha Lahu Dida-e-tar Se Pahle
yun na Tapka tha lahu dida-e-tar se pahle
dekhna aag lagi phir usi ghar se pahle
jaise jaise dar-e-dildar qarib aata hai
dil ye kahta hai ki pahunchun main nazar se pahle
nama-e-yar paDhun main abhi jaldi kya hai
nama-bar ko to laga lun main jigar se pahle
be-hijabi jo sahi hai teri shoKH aankhon ki
rasm parde ki uThegi isi ghar se pahle
ai 'jalil' aap bhi kis dhyan mein hain KHair to hai
KHwahis-e-qadr-e-hunar kasb-e-hunar se pahle
Jaleel Manikpuri 
(786) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544