Jo Tu Gaya Tha To Tera KHayal Rah Jata
jo tu gaya tha to tera KHayal rah jata
hamara koi to pursan-e-haal rah jata
bura tha ya wo bhala lamha-e-mohabbat tha
wahin pe silsila-e-mah-o-sal rah jata
bichhaDte waqt Dhalakta na gar in aankhon se
is ek ashk ka kya kya malal rah jata
tamam aaina-KHane ki laj rah jati
koi bhi aks agar be-misal rah jata
gar imtihan-e-junun mein na karte qais ki naql
'jamal' sab se zaruri sawal rah jata
Jamal Ehsani 
(918) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544