Badan Pe KHarqa-e-tahzib PhaTne Wala Hai
badan pe KHarqa-e-tahzib phaTne wala hai
jise bacha ke rakha hai bahut sambhaala hai
tumhein dikhaun main shahr-e-jadid ka naqsha
ye DeDh inT ki masjid hai ye shiwala hai
tamam raikon mein rakkhi hui kitabon mein
tumhein KHabar nahin fikr-o-nazar ka jala hai
muhib andhere mein raushan KHayal logon par
na jaane agle hi pal kya guzarne wala hai
jahan bhi ubhri sada-e-zamir-e-insani
jadidiyat ke naqibon ne mar Dala hai
faza mein uDte hue aur laDkhaDate hue
parind-e-KHasta ka ek aaKHiri sambhaala hai
Jamal Owaisi 
(819) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544