Jo Meri Aah Se Nikla Dhuan Hai Meri MiTTi Ka
jo meri aah se nikla dhuan hai meri miTTi ka
mere andar nihan aatish-fishan hai meri miTTi ka
diye hain taq par raushan magar zau mere andar hai
jo kuchh kuchh tirgi hai wo saman hai meri miTTi ka
mere jalwon ki pamali na dekhi jaegi mujh se
hunar kuchh is tarah se raegan hai meri miTTi ka
zarur us ki shabahat meri sochon se alag hogi
tasawwur mein jo dekha hai guman hai meri miTTi ka
samundar aur dariya hain purane aashna mere
barasta hai jo pani mehrban hai meri miTTi ka
mere ashaar mein aafaq-o-anfus ki kahani hai
mera har lafz-e-shirin tarjuman hai meri miTTi ka
'owaisi' qalb-o-jaan karte rahe sher-o-adab ko hum
agarche ye bhi jins-e-raegan hai meri miTTi ka
Jamal Owaisi 
(979) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544