Jo KHayal Aaya Tumhaari Yaad Mein Dhalta Raha

jo KHayal aaya tumhaari yaad mein Dhalta raha

dil charagh-e-sham ban kar subh tak jalta raha

hum kahan rukte ki sadiyon ka safar darpesh tha

ghanTiyan bajti rahen aur karwan chalta raha

kitne lamhon ke patange aae aa kar jal-bujhe

mein charagh-e-zindagi tha ta-abad jalta raha

husn ki tabaniyan mera muqaddar ban gain

chand mein chamka kabhi KHurshid mein Dhalta raha

jaane kya guzri ki farzane bhi diwane hue

main to shaer tha KHud apni aag mein jalta raha

(724) Peoples Rate This

Your Thoughts and Comments

Jo KHayal Aaya Tumhaari Yaad Mein Dhalta Raha In English By Famous Poet Jameel Malik. Jo KHayal Aaya Tumhaari Yaad Mein Dhalta Raha is written by Jameel Malik. Read famous Poem Jo KHayal Aaya Tumhaari Yaad Mein Dhalta Raha for youth and Student by Jameel Malik. Free Download Jo KHayal Aaya Tumhaari Yaad Mein Dhalta Raha in PDF.