Lakh Ehsas Tera Kushta-e-haalat Rahe

lakh ehsas tera kushta-e-haalat rahe

tere honTon pe shagufta si koi baat rahe

tu ne har daur mein ulTi hai bisat-e-alam

aaj ye aaKHiri bazi bhi tere baat rahe

ye bhi milna hai ki bas mil ke bichhaD jate hain

lutf to jab hai ki ek umr mulaqat rahe

kaenat un ke liye ek sarab ek KHayal

jo nigahban-e-haram mahw-e-gham-e-zat rahe

yun sar-e-bazm koi naghma-e-jawed suna

ki tere baad bhi mahfil mein teri baat rahe

kya ajab ek hi manzil ho hamari ai dost

rah kaT jaegi donon ka agar sat rahe

apna shewa ki jalate hain andheron mein charagh

un ki sazish ki zamane mein yunhi raat rahe

jo lagate rahe har haal pe jaan ki bazi

kyun 'jamil' un ke muqaddar mein faqat baat rahe

(777) Peoples Rate This

Your Thoughts and Comments

Lakh Ehsas Tera Kushta-e-haalat Rahe In English By Famous Poet Jameel Malik. Lakh Ehsas Tera Kushta-e-haalat Rahe is written by Jameel Malik. Read famous Poem Lakh Ehsas Tera Kushta-e-haalat Rahe for youth and Student by Jameel Malik. Free Download Lakh Ehsas Tera Kushta-e-haalat Rahe in PDF.