Samundar

mera dil uchhalta samundar

mera jazba-e-be-aman

mera ek ek arman

uchhalte samundar ki sadiyon purani chaTTanon se Takra ke yun reza reza hua hai

ki ghayal samundar ke sine mein mahshar bapa hai

har ek mauj dard-ashna hai

har ek qatra-e-ab anmol hai gauhar-e-be-baha hai

main hasti ke sahil ka mabhut-o-hairan musafir

mere zard chehre pe jamti hui ret

mera sarakta hua jism

sab ki nigahon ka markaz bana hai

magar koi aisa nahin

koi bhi to nahin

jo meri munjamid gahri jhilon se guzre

mere dil ke qulzum mein utre

jahan ki har ek mauj dard-ashna hai

har ek qatra-e-ab anmol hai gauhar-e-be-baha hai

jahan ruh tan se juda hai

azal ke musafir ki manzil abad hai baqa hai

(890) Peoples Rate This

Your Thoughts and Comments

Samundar In English By Famous Poet Jameel Malik. Samundar is written by Jameel Malik. Read famous Poem Samundar for youth and Student by Jameel Malik. Free Download Samundar in PDF.