Aaali Ji Ab Aap Chalo Tum Apne Bojh UThae

'aali' ji ab aap chalo tum apne bojh uThae

sath bhi de to aaKHir pyare koi kahan tak jae

jis suraj ki aas lagi hai shayad wo bhi aae

tum ye kaho KHud tum ne ab tak kitne diye jalae

apna kaam hai sirf mohabbat baqi us ka kaam

jab chahe wo ruThe hum se jab chahe man jae

kya kya rog lage hain dil ko kya kya un ke bhed

hum sab ko samjhane wale kaun hamein samjhae

ek isi ummid pe hain sab dushman dost qubul

kya jaane is sada-rawi mein kaun kahan mil jae

duniya wale sab sachche par jina hai us ko bhi

ek gharib akela papi kis kis se sharmae

itna bhi majbur na karna warna hum kah denge

o 'aali' par hansne wale tu 'ali' ban jae

(490) Peoples Rate This

Your Thoughts and Comments

Aaali Ji Ab Aap Chalo Tum Apne Bojh UThae In English By Famous Poet Jameeluddin Aali. Aaali Ji Ab Aap Chalo Tum Apne Bojh UThae is written by Jameeluddin Aali. Read famous Poem Aaali Ji Ab Aap Chalo Tum Apne Bojh UThae for youth and Student by Jameeluddin Aali. Free Download Aaali Ji Ab Aap Chalo Tum Apne Bojh UThae in PDF.