Dil Mein Un Ko Basa Ke Dekh Liya
dil mein un ko basa ke dekh liya
aag ghar mein laga ke dekh liya
zindagani wabaal-e-dosh hui
dil ki baaton mein aa ke dekh liya
ashk bhar lai hain meri aankhen
us ne jab muskura ke dekh liya
aur ab kis ka e'tibar karen
dil ko apna bana ke dekh liya
un ki aadat hai muskura dena
hum ne aansu baha ke dekh liya
hum ko jadu ka e'tibar na tha
un se nazren mila ke dekh liya
ghuncha-e-dil kabhi khila hi nahin
barha muskura ke dekh liya
iKHtisar-e-jawab ke qurban
muskura muskura ke dekh liya
kaam aati nahin wafa 'jami'
barha aazma ke dekh liya
Jami Rudaulvi 
(671) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544