Dil Mila Dil Ka Muddaa Na Mila
dil mila dil ka muddaa na mila
ji liye jine ka maza na mila
banda-e-zar to har qadam pe mile
ek bhi banda-e-KHuda na mila
koi shikwa nahin mujhe un se
dil hi to hai mila mila na mila
bewafa ne bana diya ye haal
wo to kahiye ki ba-wafa na mila
kuchh mila ho to baiTh kar joDen
kya mila hum ko aur kya na mila
ba-KHuda kuchh bhi lutf jine mein
lazzat-e-dard ke siwa na mila
sai-e-nakaam ka sitam ye hai
nukta-chinon ko ek bahana mila
muzmahil ho gain salahiyaten
jab zamane se hausla na mila
ajnabi puchhte hain 'jami' ko
ham-safiron se aasra na mila
Jami Rudaulvi 
(768) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544