Hunuz Yaad Hai

zahe-nashat zahe-husn iztirab tera

nazar ki chheD se bajta tha jab rabab tera

na ab wo kaif ki raaten na wo bahaar ke din

ki mahw-e-naz na tha husn-e-la-jawab tera

dam-e-widaa wo rangin udasiyan teri

hunuz yaad hai wo dida-e-pur-ab tera

wo jhum jhum ke abr-e-bahaar ka aana

wo bijliyon ki taDap aur wo iztirab tera

wo ibtida-e-mohabbat wo chandni raaten

wo sehn-e-bagh mein hansta hua shabab tera

sambhal sambhal ke meri samt wo nigah teri

bacha bacha ke nazar mujh se wo KHitab tera

mera harim-e-tamanna tha aasman se buland

is aasman pe chamakta tha aaftab tera

abhi nazar mein hai raaz-o-niyaz ka aalam

wo meri ijz-e-mohabbat wo pech-o-tab tera

kabhi sitam ke liye aur kabhi karam ke liye

nigah-e-shoKH mein Duba hua hijab tera

mera sawal ba-qadr-e-hujum-e-shauq-e-nihan

haya ki aaD mein chhupta hua jawab tera

hanuz yaad hai 'jauhar' ko ai nigar-e-jamil

wo iltifat ke parde mein ijtinab tera

(469) Peoples Rate This

Your Thoughts and Comments

Hunuz Yaad Hai In English By Famous Poet Jauhar Nizami. Hunuz Yaad Hai is written by Jauhar Nizami. Read famous Poem Hunuz Yaad Hai for youth and Student by Jauhar Nizami. Free Download Hunuz Yaad Hai in PDF.