Phir Naghma-rez Abr-e-bahaaran Hai Aaj-kal

phir naghma-rez abr-e-bahaaran hai aaj-kal

phir chaak-e-dil ba-qadr-e-gareban hai aaj-kal

rangini-e-bahaar ka allah re fusun

saz-e-dil-e-shikasta ghazal-KHwan hai aaj-kal

phir main hun aur mahfil-e-jaanan ki aarzu

phir mehrban siyasat-e-darban hai aaj-kal

wo sajda jo bahae do-alam se hai garan

meri jabin-e-shauq mein ghaltan hai aaj-kal

ye abr ye hawa ye barasti hui sharab

kafir hai saKHt wo jo musalman hai aaj-kal

saqi ne wa kiya dar-e-mai-KHana-e-hayat

fitrat ki chashm-e-mehr pasheman hai aaj-kal

main aur daur-e-saghar-o-mina hai in dinon

aankhen hain aur tasawwur-e-jaanan hai aaj-kal

pahle bhi itr-bez nasim-e-bahaar thi

kis ki shamim-e-zulf pareshan hai aaj-kal

bhati nahin hai dil ko kisi saz ki sada

naghmon ka har-nafas mein wo tufan hai aaj-kal

zholidgi na puchh fazaon mein ham-nashin

KHushbu-e-zulf-e-dost pareshan hai aaj-kal

har jalwa-e-hayat ba-qadr-e-nishat-o-rang

minnat-kash-e-tabassum-e-jaanan hai aaj-kal

ai ruh-e-dard-o-shad ye tera hi faiz hai

'jauhar' jo is ada se ghazal-KHwan hai aaj-kal

(502) Peoples Rate This

Your Thoughts and Comments

Phir Naghma-rez Abr-e-bahaaran Hai Aaj-kal In English By Famous Poet Jauhar Nizami. Phir Naghma-rez Abr-e-bahaaran Hai Aaj-kal is written by Jauhar Nizami. Read famous Poem Phir Naghma-rez Abr-e-bahaaran Hai Aaj-kal for youth and Student by Jauhar Nizami. Free Download Phir Naghma-rez Abr-e-bahaaran Hai Aaj-kal in PDF.