Juz Guman Aur Tha Hi Kya Mera
juz guman aur tha hi kya mera
faqat ek mera nam tha mera
nikhat-e-pairahan se us gul ki
silsila be-saba raha mera
mujh ko KHwahish hi DhunDne ki na thi
mujh mein khoya raha KHuda mera
thuk de KHun jaan le wo agar
aalam-e-tark-e-muddaa mera
jab tujhe meri chah thi jaanan
bas wahi waqt tha kaDa mera
koi mujh tak pahunch nahin pata
itna aasan hai pata mera
aa chuka pesh wo murawwat se
ab chalun kaam ho chuka mera
aaj main KHud se ho gaya mayus
aaj ek yar mar gaya mera
Jaun Eliya 
(2313) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544