Dil Mein Mahak Rahe Hain Kisi Aarzu Ke Phul
dil mein mahak rahe hain kisi aarzu ke phul
palkon pe khilne wale hain shayad lahu ke phul
ab tak hai koi baat mujhe yaad harf harf
ab tak main chun raha hun kisi guftugu ke phul
kaliyan chaTak rahi thin ki aawaz thi koi
ab tak samaaton mein hain ek KHush-gulu ke phul
mere lahu ka rang hai har nok-e-KHar par
sahra mein har taraf hain meri justuju ke phul
diwane kal jo log the phulon ke ishq mein
ab un ke damanon mein bhare hain rafu ke phul
Javed Akhtar 
(2264) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544