Dukh Ke Jangal Mein Phirte Hain Kab Se Mare Mare Log
dukh ke jangal mein phirte hain kab se mare mare log
jo hota hai sah lete hain kaise hain bechaare log
jiwan jiwan hum ne jag mein khel yahi hote dekha
dhire dhire jiti duniya dhire dhire haare log
waqt singhasan par baiTha hai apne rag sunata hai
sangat dene ko pate hain sanson ke uktare log
neki ek din kaam aati hai hum ko kya samjhate ho
hum ne be-bas marte dekhe kaise pyare pyare log
is nagri mein kyun milti hai roTi sapnon ke badle
jin ki nagri hai wo jaanen hum Thahre banjare log
Javed Akhtar 
(2143) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544