Main KHud Bhi Sochta Hun Ye Kya Mera Haal Hai
main KHud bhi sochta hun ye kya mera haal hai
jis ka jawab chahiye wo kya sawal hai
ghar se chala to dil ke siwa pas kuchh na tha
kya mujh se kho gaya hai mujhe kya malal hai
aasudgi se dal ke sabhi dagh dhul gae
lekin wo kaise jae jo shishe mein baal hai
be-dast-o-pa hun aaj to ilzam kis ko dun
kal main ne hi buna tha ye mera hi jal hai
phir koi KHwab dekhun koi aarzu karun
ab ai dil-e-tabah tera kya KHayal hai
Javed Akhtar 
(2669) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544