Main Pa Saka Na Kabhi Is KHalish Se ChhuTkara
main pa saka na kabhi is KHalish se chhuTkara
wo mujh se jit bhi sakta tha jaane kyun haara
baras ke khul gae aansu nithar gai hai faza
chamak raha hai sar-e-sham dard ka tara
kisi ki aankh se Tapka tha ek amanat hai
meri hatheli pe rakkha hua ye angara
jo par sameTe to ek shaKH bhi nahin pai
khule the par to mera aasman tha sara
wo sanp chhoD de Dasna ye main bhi kahta hun
magar na chhoDenge log us ko gar na phunkara
Javed Akhtar 
(1813) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544