Sari Hairat Hai Meri Sari Ada Uski Hai

sari hairat hai meri sari ada us ki hai

be-gunahi hai meri aur saza us ki hai

mere alfaz mein jo rang hai wo us ka hai

mere ehsas mein jo hai wo faza us ki hai

sher mere hain magar in mein mohabbat us ki

phul mere hain magar baad-e-saba us ki hai

ek mohabbat ki ye taswir hai do rangon mein

shauq sab mera hai aur sari haya us ki hai

hum ne kya us se mohabbat ki ijazat li thi

dil-shikan hi sahi par baat baja us ki hai

ek mere hi siwa sab ko pukare hai koi

main ne pahle hi kaha tha ye sada us ki hai

KHun se sinchi hai main ne jo zamin mar mar ke

wo zamin ek sitam-gar ne kaha us ki hai

us ne hi is ko ujaDa hai ise luTa hai

ye zamin us ki agar hai bhi to kya us ki hai

(1725) Peoples Rate This

Your Thoughts and Comments

Sari Hairat Hai Meri Sari Ada Uski Hai In English By Famous Poet Javed Akhtar. Sari Hairat Hai Meri Sari Ada Uski Hai is written by Javed Akhtar. Read famous Poem Sari Hairat Hai Meri Sari Ada Uski Hai for youth and Student by Javed Akhtar. Free Download Sari Hairat Hai Meri Sari Ada Uski Hai in PDF.