Do Ajnabi

aaj bhi subh se nikle the kahin

koi ummid koi aas nahin

koi wada koi iqrar nahin

kaun jaane ki kahan jate ho

roz aate ho chale aate ho

ajnabi des hai pardesi ho

koi rishta koi nata bhi nahin

koi apna ya paraya bhi nahin

naukri ya kisi dhande ke liye

koi neta ya koi afsar hai

koi fan koi hunar aata hai

dast-kari ya koi kaam nahin

ghar se kuchh sath mein lae hoge

KHarch ke waste kuchh dam nahin

jaane kis aas pe tum jite ho

jaane tum khate ho kya pite ho

aaj bhi subh se bhuke hoge

nashta chae ya kuchh aur nahin