Marna Taqdir Hai Zanjir Baja Lo Pahle
marna taqdir hai zanjir baja lo pahle
kuchh ho sayyaad se aankhen to mila lo pahle
abr tum khul ke barasna sar-e-gulzar-e-hayat
dushman-e-gul pe zara barq gira lo pahle
dar ki samt rawan ho magar ai diwano
ek jahan dad-gar apna to bana lo pahle
ishq ka zahr jo ghul jae to pi lo be-gham
jam-e-mai aur zara tez mila lo pahle
arsh-e-taqdis ko jate hue ai aadam-e-nau
kahkashan gard hai raste se haTa lo pahle
tum ne sun rakkha hai aazadi-e-'jawed' ka nam
marg ki aankh se aankhen to mila lo pahle
Javed Lahori 
(506) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544