Na Aarzu-e-jafa Ba-qadam Nikal Ke Chal
na aarzu-e-jafa ba-qadam nikal ke chal
paDe hain rah mein kuchh dil bhi dekh bhaal ke chal
chala jo hashr mein main sun ke aamad-e-jaanan
ye iztirab pukara ki dil sambhaal ke chal
are ye hashr mein hain sainkaDon tere mushtaq
yahan pe hum bhi hain raazi naqab Dal ke chal
adam ka qasd hai bahr-e-jahan se gar 'jawed'
hisab-dar zamane ko dekh bhaal ke chal
Javed Lakhnvi 
(577) Peoples Rate This