Baad Muddat Ke Teri Yaad Ke Baadal Barse
baad muddat ke teri yaad ke baadal barse
wo bhi aise ki kai roz musalsal barse
muntazir aur bhi sahra hain isi baadal ke
sirf tujh par hi bhala kaise ye har pal barse
pyas is shahr ki bujhne ka yahi rasta hai
ban ke baadal kisi darwesh ki chhagal barse
lag gai kis ki nazar shahr-e-nigaran ko mere
ab to har sham yahan wahshat-e-maqtal barse
kab ki pyasi hai zamin ye bhi nazar mein rakkhe
kah do baadal se zara der musalsal barse
lab-kusha ho ki mahak uTThe faza ka ye sukut
muntazir kab se samaat hai ki sandal barse
Javed Naseemi 
(1114) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544