Dur Hote Hue Qadmon Ki KHabar Jati Hai
dur hote hue qadmon ki KHabar jati hai
KHushk patte ko liye gard-e-safar jati hai
pas aate hue lamhat pighal jate hain
ab to har chiz dabe panw guzar jati hai
raat aa jae to phir tujh ko pukarun ya-rab
meri aawaz ujale mein bikhar jati hai
dosto tum se guzarish hai yahan mat aao
is baDe shahr mein tanhai bhi mar jati hai
Javed Nasir 
(776) Peoples Rate This