Ghar Ki Tasalliyon Mein Jawaz-e-hunar To Hai
ghar ki tasalliyon mein jawaz-e-hunar to hai
in jangalon mein raat ka jhuTa safar to hai
jis ke liye hawaon se munh ponchhti hai nind
is jurat-e-hisab mein KHwabon ka Dar to hai
khulti hain aasman mein samundar ki khiDkiyan
be-din raston pe kahin apna ghar to hai
raushan koi charagh mazar-e-hawa pe ho
palkon pe aaj raat ghubar-e-sahar to hai
Javed Nasir 
(770) Peoples Rate This