Ek Kaifiyat

dhund ke darmiyan muallaq dinon mein

KHushk lamhe mere andar girte rahte hain

aur dil ko bhar dete hain

main qadam dharne se Darta hun

sochta hun

kahin kuchh TuT na jae

aur aaram ki KHwahish-mand hawa

nind se jag na jae

lambi faraghaton mein

aasman ki KHali nilahaTon ko

gard se bharte dekhta rahta hun

ek jaise manazir

farar ki KHwahish mein

chaaron taraf dekhte rahte hain

chor raste talash karte rahte hain

sham hone se pahle hi

sardi ke tez reze

badan mein utarne lagte hain

hawa ki ghair-maujudagi mein

bikhre hue KHushk lamhon ko

KHud hi jama karta hun

un se aag raushan karta hun

ghair-mahfuz raaton mein jagne ke liye

zinda rahne ke liye

(834) Peoples Rate This

Your Thoughts and Comments

Ek Kaifiyat In English By Famous Poet Javed Shaheen. Ek Kaifiyat is written by Javed Shaheen. Read famous Poem Ek Kaifiyat for youth and Student by Javed Shaheen. Free Download Ek Kaifiyat in PDF.