Dil Ki KHatir Hi Zamane Ki Bala Ho Jaise
dil ki KHatir hi zamane ki bala ho jaise
zindagi apne gunahon ki saza ho jaise
dil ki wadi mein tamannaon ki ranga-rangi
koi mela kisi basti mein laga ho jaise
han pukara hai gham-e-zist ne yun bhi hum ko
pyar mein Dubi hui teri sada ho jaise
jada-e-shauq mein jalte hain diye dur talak
apna har naqsh-e-qadam rah-numa ho jaise
dil jalao bhi ki 'jawed' andhera hai bahut
raushni rah-guzaron se KHafa ho jaise
Javed Vashisht 
(678) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544