Jo Bhi Jine Ke Silsile Kiye The
jo bhi jine ke silsile kiye the
hum ne bas aap ke liye kiye the
tab kahin ja ke apni marzi ki
pahle apnon se mashware kiye the
kabhi us ki nigah mayassar thi
kaise kaise mushahide kiye the
aql kuchh aur kar ke baiTh rahi
ishq ne aur faisle kiye the
baat hum ne suni hui suni thi
kaam us ne kiye hue kiye the
use bhi ek KHat likha gaya tha
apne aage bhi aaine kiye the
yahan kuchh bhi nahin hai mere liye
tu ne kya kya mubaalghe kiye the
awwal aane ka shauq tha lekin
kaam sare hi dusre kiye the
baDi mushkil thi wo ghaDi 'jawwad'
hum ne kab aise faisle kiye the
Javvad Shaikh 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544