Be-khabar-e-hayat Tha Gham Ne Mujhe Jaga Diya

be-khabar-e-hayat tha gham ne mujhe jaga diya

zist ka raaz khol kar maut ka aasra diya

zulf-e-siyah ki yaad mein KHauf-e-pas-e-fana kahan

tul-e-shab-e-firaq ne subh ka gham miTa diya

maut kahin nahin hamein aur kahan nahin hai maut

kis ne bana ke saKHt-jaan sine mein dil bana diya

talKH to tha gham-e-hayat itna na talKH tha magar

puchh ke tum ne haal-e-dil zahr mujhe pila diya

aa ke palaT gaya koi aur na hamein KHabar hui

kaif-e-ummid-e-did ne sham hi se sula diya

gham-kada-e-hayat mein aah main wo charagh hun

subh hui jala diya sham hui bujha diya

hae wo dard kya hua jis se thi zindagi meri

KHud hi miTa nahin hai dil dil ne mujhe miTa diya

haif ki be-kasi ki sharm aaj 'jigar' na rah saki

ujDe hue mazar par kis ne diya jala diya

(505) Peoples Rate This

Your Thoughts and Comments

Be-khabar-e-hayat Tha Gham Ne Mujhe Jaga Diya In English By Famous Poet Jigar Barelvi. Be-khabar-e-hayat Tha Gham Ne Mujhe Jaga Diya is written by Jigar Barelvi. Read famous Poem Be-khabar-e-hayat Tha Gham Ne Mujhe Jaga Diya for youth and Student by Jigar Barelvi. Free Download Be-khabar-e-hayat Tha Gham Ne Mujhe Jaga Diya in PDF.