Jazb-e-dil Kargar Nahin Hota
jazb-e-dil kargar nahin hota
us ke dil par asar nahin hota
dard dil mein agar nahin hota
baat mein kuchh asar nahin hota
na kare tark pairwi jab tak
rah-rau rahbar nahin hota
rang lati nahin mohabbat kuchh
soz jab tak sharar nahin hota
nahin khulta dar-e-nashat-e-abad
chaak jab tak jigar nahin hota
baDhte jate hain rah mein kanTe
yarab aage safar nahin hota
jaanta hun maal-e-betabi
dil pe qabu magar nahin hota
ho na jab tak usi ka fazl-o-karam
qatra dariya 'jigar' nahin hota
Jigar Barelvi 
(775) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544