Himala Se Do Do Baaten

bhala majal kahan mujh se be-zabanon ki

ki munh se baat kahun kuchh falak nishanon ki

tere wajud se aalam ye ho gaya raushan

ki KHak-e-hind mein rifat hai aasmanon ki

wo phul hain tere daman mein samne jin ke

bahaar gard hai duniya ke gulistanon ki

guphaon se teri niklen to sare aalam mein

sadaen gunj uThin tauhid ke taranon ki

bulandiyon se teri jab rawan hue chashme

hayat jin se hai duniya ke baghbanon ki

mai-e-majaz mein jo nashsha-e-haqiqat hai

wo yaadgar hai to ishq ke fasanon ki

teri bulandi ghurur-e-waqar ke aage

chali na ek hawai-jahaz-ranon ki

wo sur phunk de apne lab-e-mubarak se

ki yaad taza ho bhule hue fasanon ki

aTal hon jin ke irade KHayal jin ke buland

uThen ab aise zamin-e-watan se hausla-mand

(550) Peoples Rate This

Your Thoughts and Comments

Himala Se Do Do Baaten In English By Famous Poet Jigar Barelvi. Himala Se Do Do Baaten is written by Jigar Barelvi. Read famous Poem Himala Se Do Do Baaten for youth and Student by Jigar Barelvi. Free Download Himala Se Do Do Baaten in PDF.