Kis Ka Lab Par Mere Fasana Hai
kis ka lab par mere fasana hai
hama-tan-gosh ek zamana hai
zindagi ek KHwab hai lekin
is haqiqat ko kis ne jaana hai
kis tarah gham ko chhoD dun yak-laKHt
is se rishta bahut purana hai
aur thoDi si kijiye taklif
do qadam par gharib-KHana hai
aap ko lauTne ki der hai bas
umr-e-rafta ko lauT aana hai
zindagi tujh se kya main pyar karun
chaal teri musafirana hai
ru-ba-ru dil ke hai wo shoKH-nazar
barq ki zad mein aashiyana hai
hai tamanna kisi se milne ki
maut to ai 'jigar' bahana hai
Jigar Jalandhari 
(902) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544