Duniya Ke Sitam Yaad Na Apni Hi Wafa Yaad

duniya ke sitam yaad na apni hi wafa yaad

ab mujh ko nahin kuchh bhi mohabbat ke siwa yaad

main shikwa ba-lab tha mujhe ye bhi na raha yaad

shayad ki mere bhulne wale ne kiya yaad

chheDa tha jise pahle-pahal teri nazar ne

ab tak hai wo ek naghma-e-be-saz-o-sada yaad

jab koi hasin hota hai sargarm-e-nawazish

us waqt wo kuchh aur bhi aate hain siwa yaad

kya jaaniye kya ho gaya arbab-e-junun ko

marne ki ada yaad na jine ki ada yaad

muddat hui ek hadsa-e-ishq ko lekin

ab tak hai tere dil ke dhaDakne ki sada yaad

han han tujhe kya kaam meri shiddat-e-gham se

han han nahin mujh ko tere daman ki hawa yaad

main tark-e-rah-o-rasm-e-junun kar hi chuka tha

kyun aa gai aise mein teri laghzish-e-pa yaad

kya lutf ki main apna pata aap bataun

kije koi bhuli hui KHas apni ada yaad

(1544) Peoples Rate This

Your Thoughts and Comments

Duniya Ke Sitam Yaad Na Apni Hi Wafa Yaad In English By Famous Poet Jigar Moradabadi. Duniya Ke Sitam Yaad Na Apni Hi Wafa Yaad is written by Jigar Moradabadi. Read famous Poem Duniya Ke Sitam Yaad Na Apni Hi Wafa Yaad for youth and Student by Jigar Moradabadi. Free Download Duniya Ke Sitam Yaad Na Apni Hi Wafa Yaad in PDF.