Kya Kashish Husn-e-be-panah Mein Hai
kya kashish husn-e-be-panah mein hai
jo qadam hai usi ki rah mein hai
mai-kade mein na KHanqah mein hai
jo tajalli dil-e-tabah mein hai
hae wo raaz-e-gham ki jo ab tak
tere dil mein meri nigah mein hai
ishq mein kaisi manzil-e-maqsud
wo bhi ek gard hai jo rah mein hai
main jahan hun tere KHayal mein hun
tu jahan hai meri nigah mein hai
husn ko bhi kahan nasib 'jigar'
wo jo ek shai meri nigah mein hai
Jigar Moradabadi 
(900) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544